Неліктен біз QAZAQ MURA-ны жасап жатырмыз?
Оған жауапты 1967 – 1970 жылдары Мәдениет министрі болған Ілияс Омаров атамыздың өсиет хатынан табуға болады.
«Қадірлі достарым! Хәлім ауыр. Ажалмен бір адамдай-ақ алысып едім, ол енді жеңіп барады. Менің өзегімді бір өкініш өртеп бара жатыр. Ол - халқымның мәдени өрісі мен бай мұрасын зерттеу, әлемге паш етіп, “Біз де ұлы халық болғанбыз”, “Бізден де мықты ер өткен” деп мақтану еді. Өлген соң халқымның мәдениетін қызғыштай қорғауға енді мүмкіндігім келмес. Келешек жастардікі ғой. Мен соларға сенемін. «Ел аман болса ер туғызбай қоймас» деген. Осы мәдениетті қорғайтын әлі талай ерлер өмірге келер. Тек уайымым: олар ішкенге мәз, жегенге тоқ ұрпақ болмаса екен»
Біз ұлы адамның аманатын жалғастырғымыз келеді. Біз бүкіл әлемге ұлтының адал перзенті болған атамыздың «Біз де ұлы халық болғанбыз», «Бізде де ұлы батырлар болған» деген ойын жеткізуге бар күш жігерімізді жұмсаймыз. Сол мақсатқа жеткізетін бірден бір құрал бар болса, ол кітаптар болып отыр.
